Psa 114 | DED | STEP | Israengo Aigita bangec wama erema kenec. O, Yakoboac areng yeni ngicngac kuricyoac dekecgec, yeni wayunuma kenggec.

Psalms 114

Anutuac kicfu dzonoma fedebeso

1 Israengo Aigita bangec wama erema kenec. O, Yakoboac areng yeni ngicngac kuricyoac dekecgec, yeni wayunuma kenggec. 2 Yuda ye Anutuac womong kpetiac anec nga Israe imoc yeac eucererenga anec.

3 Kondung ye imoc hemma kpidohoma kenu Yodang doku dzigeneec. 4 Tiki yeneng rama ngiwango futuckeandae, ifi isoc futuckegec nga fagang yeneng ramamedaha yuma engemmama angandae, ifi isoc sogac sogaigoc yuma engemmama anggec.

5 Kondung ge kpidohoma woranec nga Yodang ge kpidohoma dzigenenec. 6 O tiki, ngeni kpidohoma rama ngiwa isoc futuckedae nga fagang ngeni kpidohoma ramamedaha isoc yuma engemmama andae.

7 O bangec, geKEBUAC kicfu dendeng kpekecbesena. Ge Yakoboac Anutu yeac kicfu gbigbihebesena. 8 Yennoc hoc peperandzi seria heimerenu doku dzohong angkecde nga harongang heimerenu doku kiwa anude.